نسوي لك نظام يرد على المتصلين عنك — واتساب، انستقرام، تلفون، موقعك — يسألهم الأسئلة اللي تبي، يعرف اللي جاد من اللي يتفرج، ويحجز المعاينة في تقويم الوسيط. يشتغل فوق أدواتك اللي عندك الحين، ما تغير شي. الملف هذا يشرح وش نقدر نسويه، وبأي خطوة ترجع عليك فلوس بأسرع وقت.
اللي يبي يشتري أو يأجر، نادر ما يرسل على مكتب واحد. يفتح عقار أو وسلت أو بيوت، يلقى ٥ أو ١٠ إعلانات مناسبة، ويضغط "تواصل" على كلهم. اللي يرد أول، ياخذ العميل. الثاني يلحقه بعد نص ساعة، يلقى الزبون خلاص شاف عقار ثاني وحجز معاينة مع مكتب ثاني.
السالفة هذي طبيعية، وسيطك ما هو قاعد على التلفون. يمكن يسوق، يمكن عنده معاينة، يمكن معه ٣ رسائل في نفس اللحظة اثنين منهم يتفرجون بس. لين يرد، الزبون الجاد راح. وفوق هذا، يحرق يومه مع ناس يسألون "كم السعر؟ وين بالضبط؟ كم غرفة؟" — أسئلة مكررة، ردها واضح في الإعلان نفسه.
لما الرد يصير تلقائي: كل واحد يرسل يلقى رد في ثواني، والنظام يسأله الأسئلة اللي لازم (ميزانيتك كم؟ أي حي؟ متى تبي تنتقل؟)، ويعرف اللي جاد من اللي يتفرج. الوسيط ما يوصله إلا الشخص اللي فعلاً جاهز يشتري أو يأجر، ومعه كل تفاصيله جاهزة.
أي واحد يتواصل معك — من عقار، وسلت، بيوت، قوقل، انستقرام، تلفون، أو واتساب — يلقى رد في ثواني. النظام يجاوبه على الأسئلة المكررة، ويسأله وش يبي بالضبط (ميزانيتك كم؟ أي حي؟ كم غرفة؟ متى تبي تنتقل؟)، ولما يلقى واحد جاد، يحول له وسيطك ومعه موعد معاينة محجوز في تقويمه.
من عقار، وسلت، بيوت، قوقل، انستقرام أو تلفون. كل الرسائل تدخل في مكان واحد.
قبل لا يلتفت لمكتب ثاني. بالعربي أو الإنقليزي، ٢٤ ساعة ٧ أيام.
ميزانيتك كم؟ أي حي؟ كم غرفة؟ متى تبي تنتقل، الحين ولا بعد ٣ شهور؟
الجاد يوصل لوسيطك مع كل تفاصيله. اللي يتفرج يتكفل فيه النظام.
الموعد يدخل في تقويم الوسيط، والعميل يوصله تذكير قبل يوم وقبل ساعتين.
ما ينام ولا ينشغل ولا يسوق. الزبون اللي رسل الساعة ١١ بالليل يلقى رد. يوم الجمعة، رمضان، وإنت مسافر. اللي يرد أول، ياخذ العميل.
النظام يسأل الأسئلة اللي تبيها: ميزانية، حي، الغرض سكن ولا استثمار، التوقيت، التمويل كاش ولا بنك. اللي يتفرج ويسأل ويمشي يتكفل فيه النظام. وسيطك ما يحرق يومه مع واحد يتفرج.
كل الرسائل من كل مكان تجيك في شاشة واحدة. ما يضيع ولا تواصل بين التطبيقات.
حسب الحي ونوع العقار ولغة العميل. وسيط الشمال يستلم عملاء الشمال، واللي شغله في التجاري يستلم التجاري. تلقائي، ما يحتاج منك تدخل.
العميل يختار وقت، النظام يشوف وسيطك فاضي ولا لا، ويحجز في تقويم قوقل. العميل يوصله تأكيد ثم تذكير قبل يوم وقبل ساعتين. يجي الموعد ومحد يغيب.
كل واحد تواصل معك، من وين جا، المحادثة كاملة، الموعد، وش صار فيه، والمتابعة معه. شاشة لكل وسيط، وشاشة كاملة للمدير. ما يضيع ولا اسم، ولا زبون ينسى.
تنظيم المعاينات وتذكير العملاء، عشان ما يجي الوقت ويغيب الزبون ووسيطك رايح عالفاضي.
العقود وتذكيرات التجديد، من أول ما تتفق مع المستأجر لين ما يتسجل في منصة إيجار.
تحصيل الإيجار وطلبات الصيانة من المستأجرين على الواتساب، الشغل اليومي يمشي وحده.
نرجع للزبائن اللي سألوك قبل كذا شهر ولقوا العقار اللي يبونه، قائمة أسماء مكتبك هي ثروته الحقيقية.
تنزل الإعلان مرة، يطلع على عقار ووسلت وبيوت وانستقرام، ولما ينباع يختفي وحده من كل مكان.
مساعد يرد على الواتساب والانستقرام والموقع ٢٤ ساعة بدل الموظف، ويعرض العقارات داخل المحادثة.
نقعد معك، نفهم مكتبك وقنواتك وعدد الاتصالات اللي تجيك، ووش المشاكل اللي تعطلك، ونتفق على وش الأهم.
نفصل الشغل على طريقة مكتبك ونوع عقاراتك، ونوريك التصميم قبل لا نبدأ أي خطوة.
نبني النظام، نربطه بقنواتك، نجربه على اتصالات فعلية، وندرب وسطاءك عليه خطوة خطوة.
نبقى معك نراقب النظام، نعدل اللي يحتاج، ونضيف خدمات جديدة لما تحتاجها.
جلسة أولى مجانية، ٤٥ دقيقة، أونلاين أو عندك في المكتب على راحتك. نسمع منك كيف يشتغل مكتبك، ونطلع لك بأسرع شي يرجع عليك فلوس، وغالباً يكون في سرعة الرد وفرز الزبائن، ونعطيك خطة واضحة. بلا التزام وبلا عقود.